Portieri Diant Ramaj ka ambicie të mëdha këtë sezon me Heidenheimin, ekip që u huazua për një vit nga Borussia Dortmundi.
Ramaj synon që përmes paraqitjeve te Heidenheimi të bëhet numri një te Dortmundi, dhe të futet në Kombëtaren e Gjermanisë.
23-vjeçari në janar të këtij viti u transferua te Dortmundi te Ajaxi, por menjëherë u huazua te Copenhageni, ku fitoi titullin dhe kupën në Danimarkë.
Ai u kthye këtë verë te Dortmundi, por pasi nuk iu garantua vendi i titullarit, u huazua te Heidenheimi dhe këtë lëvizje e sheh si hap të rëndësishëm për t’u bërë portieri i parë te Borussia, pozitë që aktualisht e mbanë Gregor Kobel.
“Dua të stabilizoj veten si numri një i Dortmundit, dhe të jem kandidat i fortë për Kombëtaren e Gjermanisë. Zgjodha Heidenheimin para ofertave tjera, pasi dua të jem sërish i dukshëm në futbollin gjerman”, ka thënë Ramaj.
Ramaj ka kontratë me Dortmundin deri në vitin 2029, ndërsa ka luajtur për ekipet U18, U19 dhe U20 të Gjermanisë.
