Mesfushori i Shqipërisë, Ylber Ramadani do të kthehet në formacionin bazë të skuadrës së Lecces për ndeshjen në udhëtim ndaj Bolognas.
Kjo ndeshje luhet të dielën dhe i takon xhiros së 24-t të kampionatit italian.
Ramadani i mungoi Lecces në humbjen nga Fiorentina 3:2 për shkak se ishte i suspenduar, por tani do të jetë i gatshëm për duelin me Bolognan.
Ramadani është njëri prej lojtarëve kyç te Lecce, ekip të cilit iu bashkua para fillimit të këtij edicioni nga Aberdeeni i Skocisë.
Deri më tani, Ramadani ka regjistruar 21 paraqitje në Serie A dhe ka shënuar një gol, ndërsa me Leccen ka kontratë deri në vitin 2026.
