Përparim Rama është betuar gjatë seancës inaugurale të Kuvendit Komunal të Prishtinës.
Nga sot, ai zyrtarisht do të udhëheqë edhe për një mandat kryeqytetin e Kosovës.
Pas betimit, Rama ka thënë se shpreson se në këtë mandat nuk do të ketë bllokada të kalkuluara politikisht, por që të punohet bashkarisht për të mirën e qytetarëve të Prishtinës.
“Mandati i kaluar nuk ka qenë ashtu si kanë merituar qytetarët. Ka pasur bllokada të kalkuluara politikisht. Ka pasur vonesa e pengesa dhe prej tyre më së shumti kanë vuajtur qytetarët. Uroj që këtë mandat të reflektojmë dhe të mos e detyrojmë popullin të dëgjojë diskurse përçarëse, të mos vendosim qytetin peng të kalkulimeve politike. Por të punojmë me përgjegjësi të përbashkët për të ardhmen tonë”, ka thënë ai.
Gjatë seancës, janë betuar edhe asamblistët e rinj.
Rama në balotazh fitoi në garën me kandidatin e VV-së, Hajrulla Çeku. /teve1.info/
