Kryetari i Prishtinës, Përparim Rama është intervistuar nga Prokuroria në lidhje me projektin “Arkitekti i Qytetit”.
Pas intervistimit, Rama ka deklaruar se ka kërkuar vazhdimisht të bashkëpunojë me Prokurorinë, duke theksuar se është i gatshëm të japë sqarime për projektin.
Ai ka thënë se përgjegjësi e tij është zhvillimi dhe ndërtimi i kryeqytetit, ndërsa Prokuroria duhet të verifikojë nëse gjithçka është duke u bërë në përputhje me legjislacionin.
“Unë kam kërkuar vazhdimisht që të bisedojë me Prokurorinë, puna ime është zhvillimi i kryeqytetit dhe ndërtimi i saj, kurse puna e Prokurorisë është me u njoftua se gjithçka është duke u bërë sipas legjislacionit, jemi totalisht transparent për këtë arsye edhe kam ardhur, për kundër faktit që disa si kryeministri që nuk shkon, ne jemi gjithmonë të gatshëm për bashkëpunim me Prokurorinë sepse kështu zhvillohet shteti demokratik”, ka deklaruar Rama pas intervistimit.
Ai ka theksuar se bashkëpunimi me institucionet e drejtësisë është i rëndësishëm për transparencën dhe funksionimin e shtetit ligjor./teve1.info/
