Kryetari i Komunës së Prishtinës, Përparim Rama, ka bërë të ditur se kanë filluar punimet për ndërtimin e një shkolle të re të mesme “7 shtatori”.
Përmes një postimi në Facebook, Rama ka shkruar se ndërtimi i kësaj shkolle do të ketë ndikim pozitiv tek nxënësit dhe në komunitetin e vendit.
“Me kënaqësi të madhe njoftojmë se kemi filluar punimet për ndërtimin e një shkolle të re, Shkollës së Mesme “7 shtatori”. 👷♀️👷♂️Bashkë me Drejtorin e Investimeve Kapitale, Krenar Xhaferi, dhe Drejtoreshën Besianë Musmurati, kemi nisur këtë projekt me shumë zell dhe entuziazëm. Jemi të lumtur që po bëjmë hapin e parë drejt realizimit të kësaj shkolle dhe presim me padurim ndikimin pozitiv që kjo shkollë do të ketë në nxënësit dhe komunitetin tonë”, thuhet në postimin e Ramës.
Derisa në përmbyllje ka falënderuar të gjithë anëtarët e ekipit që kanë ndihmuar në fillimin e këtij procesi./teve1.info/.
