Kryetari i Prishtinës, Përparim Rama, ka reaguar ndaj vendimit të Qeverisë së Kosovës për bllokimin e buxhetit të miratuar të Kryeqytetit, duke e cilësuar këtë si një veprim politik të qëllimshëm për të dobësuar Prishtinën.
Rama theksoi se ky nuk është një vonim teknik, por një vendim që do të ndalonte zhvillimin e projekteve kyçe për qytetarët e Prishtinës, si ndërtimi i shkollave, përmirësimi i infrastrukturës dhe investimet në çerdhe.
Ai nënvizoi se çdo ndërhyrje për të bllokuar buxhetin është shkelje e drejtpërdrejtë e rendit institucional dhe një ndëshkim për më shumë se 300 mijë qytetarët e Prishtinës.
Kryetari Rama bëri thirrje që Prishtina të trajtohet me respekt dhe të mos përdoret si mjet presioni politik.
Ai po ashtu paralajmëroi se nëse Qeveria vazhdon me këtë qasje, do të ndjekin çdo rrugë ligjore dhe institucionale për mbrojtjen e të drejtave të qytetarëve të kryeqytetit./teve1.info/
