Të enjten kanë mbajtur një takim me Vuçiqin mirëpo nuk ka pasur përgjigje nga ai, transmeton teve1.info.
“Pas takimit të djeshëm me presidentin Vuçiq, mbase për herë të parë, s’kemi arritur të pajtohemi me të. Edhe pse atij i besojmë, nga ai takim jemi kthyer pa përgjigje. Ai nuk na e ka miratuar këtë që të braktisim të gjitha institucionet e Kosovës. Edhe sot i kemi thënë se ne nuk jemi ata që po e shkelim marrëveshjen e Brukselit, por është Kurti dhe do të rrimë përkrah popullit tonë dhe gjyqtarëve. Kështu ne, dhe të gjithë punëtorët e institucioneve e gjykatave, ta suspendojmë veten nga detyra”, tha ai.
“I bëjmë thirrje Vuçiqit që të bëj presion të Bashkësia Ndërkombëtare dhe te Kurti, që të tejkalohet kjo gjendje. Ne nuk frikësohemi dhe do të rrimë këtu”, u shpreh tutje.
Rakiqi u prononcua për media gjatë protestës kundër suspendimit gjykatëses serbe, Liljana Stevanoviq, e cila mori pjesë në takim me presidentin serb, Vuçiq.
