Në fundjavë do të zhvillohet xhiroja e nëntë në Superligën e Kosovës në basketboll.
Gjithsej do zhvillohen 3 ndeshje, për shkak se ndeshja në mes Pejës dhe Ponte Prizrenit do të llogaritet nga rezultati i Ligës Unike.
Ndeshja e vetme e ditës së shtunë, por shumë e rëndësishme dhe jetike zhvillohet ndërmjet Rahovecit dhe Vëllaznimit. Vreshtarët kanë vetëm një fitore e shtatë humbje radhazi, duke u renditur në vendin e fundit në tabelë, ndërsa kuqezinjtë kanë tri fitore e pesë humbje. Fitorja për të dy skuadrat është shumë e rëndësishme në synimet që kanë.
Në ndeshjen e xhiros së dytë në mes ketyre dy ekipeve në “Shani Nushi” fitimtar doli të jenë vendasit ku regjistruan fitore me rezultatin e ngushtë 94 me 87. Përevec kësaj fitore Gjakovarët arritën ta befasojn dhe skuadrëen e Trepcës dhe Ponte Prizrenit.
Ndërsa vreshtarët të vetmin triumf e arritën në ndeshjen e parë të sezonit ndaj ekipit të Golden Eagle Yllit me dramën që na përcjelli deri në fund 90:88.
