Kryetari i Komisionit Qendror Zgjedhor, Kreshnik Radoniqi ka thënë se procesi zgjedhor në komunat veriore është duke shkuar me rregull dhe se siguria është në nivel
“Procesi po shkon në rregull, s’ka ndonjë problem. Gjithashtu dua t’i ftojë qytetarët e komunave veriore që të dalin në zgjedhje në mënyrë që të ushtrojnë të drejtën e tyre për votë dhe t’i zgjedhin përfaqësuesit dhe të ndërtojnë institucione legale. Ne si KQZ, siç kam deklaruar, i kemi ndërmarrë të gjitha masat që ky proces të shkojë në rregull”, deklaroi ai para gazetarëve.
Tutje ka shtuar se nuk beson që kontejnerët do të jenë pengesë për votimin e qytetarëve.
“Kontejnerët janë parë zgjidhje e përshtatshme për rrethanat e krijuara. Nuk besoj se përdorimi i tyre do të jetë pengesë për votim. Qytetarët kanë qasje në to, dhe është mundësi që KQZ-ja ua ofron qytetarëve që të votojnë”, shtoi ai.
