Këto deklarata ai i bëri teksa foli në emisionin “Këndi i Debatit” në Tëvë1 për rezervat ushtarake të vendit.
Sipas tij, përmes propagandave krijohet panikë te qytetarët, duke bërë kështu që të ketë mungesë të artikujve esencialë.
“Rezervat shtetërore posaçërisht ato ushtarake, çdo institucion duhet t’i ketë rezervat e veta nuk është diçka që ne mundemi me u mburrë. Mendoj që Qeveria duhet të ketë vëmendjen e veçantë edhe për këtë çështje. Tani krijohen disa situata kur në ndikimin e propagandave luftës speciale kalohet deri në panikë që edhe ato të mirat që ne i gëzojmë në mënyrë artificiale, mundemi me kriju një situatë ku mundemi me ndje mungesën e disa artikujve jo për shkak të nevojës reale por për shkak të panikut, dezinformatës e cila fillon me ndiku te gjykimi racional”, shtoi ai.
Tutje, duke folur edhe për pajisjet ushtarake të vendit, ish-ministri i Mbrojtjes thekson se Kosova ka buxhet që të furnizohet me dronë ushtarakë.
“Do të thotë, edhe kostoja e një pakoje nëse shkon me katër drona, me komplet ekipin që do të duhet të operojë me drona, mirëmbajtje tjera, e ka një shumë që unë besoj është e kapshme për mundësitë tona ekonomike”, deklaroi Quni./teve1.info/.
