Klinika Emergjente e Qendrës Klinike Universitare të Kosovës, ka reaguar ndaj keqpërdorimit dhe keqinformimit që po bëhet nga partitë politike.
QKUK ka thënë se për qëllime partiake po dezinformohet dhe manipulohet publiku me të dhëna jo të sakta.
“Mbrëmë në një debat televiziv, kryetari i partisë LDK-së, z. Lumir Abdixhiku, deklaroi se “kam shku kam bisedua me doktorë në emergjencë dhe a e dinin se dhjetëra vdekje ndodhin brenda vitit në emergjencë se Transfuzioni vonohet 40 minuta nga objekti Transfuzionit të Gjakut”, thuhet në njoftimin e QKUK-së.
QKUK thotë se kjo deklaratë nuk është e vërtetë, pasi që sipas tyre nuk ka mungesë të gjakut në Klinikën Emergjente.
“Bashkëpunimi dhe koordinimi me Qendrën Kombëtare të Transfuzionit të Gjakut është shumë i mirë dhe asnjëherë nuk ka mungesë të gjakut në Klinikën Emergjente dhe asnjë pacient nuk ka vdekur, apo vuajtur mungesën e gjakut në Emergjencë”, thuhet nga QKUK-ja.
Madje, QKUK u bënë thirrje përfaqësuesve që mos të cënojnë punën dhe djersën e punëtorëve të kësaj klinike.
“Klinika Emergjente, bën thirrje që të gjithë përfaqësuesit mos të cënojnë punën dhe djersën e punëtorëve të Klinikës Emergjente, që 24-orë, pa ndalë janë në shërbim të pacientëve”, thuhet ndër të tjera./teve1.info/
