Mbi 13 orë ka zgjatur një operacion që është kryer për herë të parë në Klinikën e Kirurgjisë Maksillofaciale, në QKUK.
Operacioni është kryer te një 28-vjeçar nga ekipi i mjekëve nga Turqia, atyre vendorë dhe nga Klinika e Anesteziologjisë.
“Intervenimi mikrokirurgjik për rikonstruksionin e nofullës së poshtme, pas largimit të tumorit dhe largimit subtotal të nofullës e cila ishte e dëmtuar”, thuhet në njoftimin e ShSKUK-së.
“Kjo procedurë kirurgjike- Fibula free flap që nënkupton marrjen e një pjese të lëkurës, muskujve dhe kockës nga këmba dhe transferimin e këtyre indeve në nofullën e poshtme, duke bërë anastomosis (ngjitje) të enëve të gjakut, me enët e gjakut në kokë dhe qafë”.
Intervenimet e tilla nuk janë kryer më parë në QKUK.
