Qeveria në detyrë e Republikës së Kosovës ka mbajtur mbledhje elektronike në të cilin ka marrë disa vendime.
Sipas njoftimit të Zyrës së Kryeministrit janë miratuar këto vendime:
“Miratuar Rregulloren për Organizimin dhe Funksionimin e Këshillit Kombëtare të Arteve;Miratuar Rregulloren për Programin, Përmbajtjen, Mënyrën dhe Procedurat e Organizimit, Trajnimit Profesional për Zyrtarë Arkivorë; Miratuar Nismën për lidhjen e Marrëveshjes së Përgjithshme të Sigurisë ndërmjet Republikës së Kosovës dhe Mbretërisë së Bashkuar të Britanisë së Madhe dhe Irlandës së Veriut për Shkëmbim dhe Mbrojtje të Ndërsjellë të Informacionit të Klasifikuar”, thuhet në njoftim.
