Sipas tij, nxënësit nuk duhet të shfrytëzohen si mjet të reagimit sindikal.
“Ligji për greva duhet të rishikohet me urgjencë, pasi që veprimtaria e mësimdhënësit duhet të rikthehet në veprimtari me interes botëror. Tërë kjo situatë është kthyer në pazar për rikthim në proces mësimor, kjo është për keqardhje. Është viti i katërt që procesi mësimor nuk fillon me rregull. Mirëpo, njëkohësisht në asnjë moment nuk argumentohet që duhet të ndërprehet procesi mësimor dhe të shfrytëzohen nxënësit si mjet të reagimit sindikal. Në këtë rast është gabim sindikata.
Tutje ai tha se kjo situatë mund të tejkalohet shumë lehtë në qoftë se njëra palë lëshon pe.
“Ka ende hapësirë për negocime, pasi që e tëra ka filluar gabimisht që nga fillimi. Unë besoj që shumë lehtë mund të tejkalohet dhe jam shumë i bindur që ajo palë e cila lëshon pe, do jetë ajo që do i marrë të gjitha meritat para komunitetit të prindërve dhe nxënësve”, tha Qehaja.
Po ashtu, ai tha se mësimdhënësit kanë të drejtë të kenë rritje të pagës, teksa shtoi se reagimi i tyre sindikal është legjitim sepse ata e kanë të garantuar përmes ligjit të grevave.
