Kjo pusetë në rrugën Bajram Kelmendi në kryeqytet, qëndroi e hapur për dy muaj.
Qytetarët kalimtarë dhe banorët e kësaj pjese thonë se e ndjenin veten të rrezikuar gjersa kalonin, veçanërisht orëve të mbrëmjes.
“Kam qitur dërrasa këtu, jam mundu me mbulu 100mijë herë, i kam thirrë me inspekcion jam shku gojarisht me fol me ta, dalim dalim, vina vina, askujt nuk i intereson njeri i gjallë”, thotë Islam Krasniqi, banor.
“Çka me iu fol more, qysh nuk është rrezik, rrezik për kerre, rrezik për njerëz, veç kqyre. A e pe sa e thellë është”, thotë banori tjetër, Ekrem Xhakia.
“Jetoj në këtë lagje, ka rrezik boll, se kty kanë ra dy kerre derisa e kemi ba me dërrasa”, thotë qytetari Arit Krasniqi.
Nga Komuna e Prishtinës deklaruan për tëvë1 se rregullimi i pusetës është në kompetencën e KEDS-it dhe se për rregullimin e saj kanë bërë kërkesë edhe tek kjo e fundit.
E zëdhënësi i KEDS-it Viktor Buzhala, në një përgjigje me shkrim për tëvë1, tha se puseta nuk ka qenë në gjendje të tillë.
E një ditë pas, zëdhënësi Buzhala njoftoi se tashmë është bërë edhe intervenimi.
“E nderuar, KEDS aty e ka vendosë pusetën që si duket është marrë nga dikush. Ne, me të marrë informatën nga ju e kemi dërgu menjeherë një ekip në vend të ngjarjes të cilët e kanë vendosë pusetën e re”, tha Buzhala.
Ai poashtu kërkoi që rastet e tilla, të lajmërohen edhe nga vet qytetarët.
Kronika e realizuar nga gazetarja Besiana Visoka.
