Qendrat e votimit në katër komunat veriore tashmë janë hapur, ku qytetarët kanë mundësi të votojnë për zgjedhjet e jashtëzakonshme lokale.
Për këtë analisti politik, Shqiprim Pula në edicionin special në Tëvë1 ka thënë se këto zgjedhje janë sfidë për institucionet qendrore të shtetit të Kosovës.
Kjo pasi sipas tij, qytetarët atje ka vite që janë manipuluar nga Lista Serbe.
“Krerët shtetërorë kanë bërë thirrje për qetësi dhe natyrisht kjo është shumë e rëndësishme. Në anën tjetër, kemi qytetarë nga pjesa veriore që prej vitesh janë të manipuluar dhe në veçanti nga viti 2014, kur është krijuar Lista Serbe. Unë për dy vite kam qenë pjesë e Universitetit të Mitrovicës dhe kam dal në pjesën veriore, ku kam parë gjendjen e krijuar atje, ku Lista Serbe ka krijuar një fryme krejt tjetër, nga ajo e institucioneve qendrore të cilat janë të shtrira gjithandej vendit. Kjo ka bërë që në kuptimin politike një aneksim i asaj pjese të vendit dhe në atë politik, sepse Lista Serbe ka marrë në kontroll institucionet lokale dhe ka krijuar një rrjet njerëzish që kujdesën për to. Natyrisht se këto zgjedhje janë sfide për institucionet qendrore të shtetit të Kosovës”, tha Pula.
