E ardhmja e sulmuesit Julian Alvarez te skuadra e Atletico Madridit nuk është aspak e sigurt.
Sulmuesi argjentinas mund të largohet gjatë verës, pasi në garë për shërbimet e tij krahas Barcelonës ka hyrë edhe skuadra e Paris Saint-Germainit.
Thuhet se Parisi po shihet favorit për transferimin e Alvarezit më të përfunduar sezoni aktual, pasi tashmë ka nisur negociatat si me Atleticon ashtu edhe me përfaqësuesit e futbollistit.
Madje, Parisi i ka bërë me dije Atleticos së është gati të ofrojë 150 milionë euro për kartonin e Alvarezit, të cilin me ngulm po e kërkon trajneri Luis Enrique.
Alvarez po shihet si përforcim i madh te klubi francez, i cili do ta bëjë të pamundurën për ta bindur skuadrën spanjolle në lirimin e tij.
26-vjeçari Alvarez iu bashkua Atleticos në vitin 2024 nga Manchester City dhe ka kontratë me ekipin spanjoll deri në verën e vitit 2030.
Në sezonin aktual, Alvarez ka shënuar 20 gola dhe ka bërë 9 asistime në 49 paraqitje në të gjitha garat.
