Sulmuesi Kylian Mbappe mund të jetë befasia më e madhe e afatit kalimtar të verës. “L’Equipe” ka shkruar të martën se sulmuesi francez me shumë gjasë do të largohet nga skuadra e Paris Saint-Germainit.
Madje, thuhet se Parisi tashmë i ka caktuar çmimin Mbappes, i cili ka refuzuar ta rinovojë kontratën që i skadon vitin e ardhshëm. Për ta lënë të lirë Mbappen, mësohet se Parisi po kërkon 200 milionë euro.
Mbappe ka kohë që ka tërhequr interesimin e Real Madridit, ekip që pritet të bëjë lëvizje për transferimin e tij në “Santiago Bernabeu”.
24-vjeçari është pjesë e Parisit prej vitit 2017 kur iu bashkua nga Monaco, ndërsa edicionin e fundit, ka shënuar 41 gola në 43 paraqitje në të gjitha garat.
