Cristiano Ronaldo i ka lyer thonjtë e këmbëve në një postim në rrjetet sociale dhe ka një arsye shumë të mirë pas kësaj. Pesë herë fituesi i Topit të Artë ndau një foto të tij në një sauna teksa po relaksohej nga ndeshjet e tij në Arabinë Saudite.
Ai tregoi fizikun e tij të jashtëzakonshëm, me tifozët në rrjetet sociale që vunë re diçka të pazakontë në foton e tij. Ata e kthyen vëmendjen te thonjtë e këmbëve të tij, të cilët ishin të lyer me ngjyrë të zezë.
Një fans shkroi: “A më ka ikur ky detaj vetëm mua apo të gjithë të tjerëve. A i ka lyer Ronaldo thonjtë e këmbëve?”.
Një tjetër shtoi: “Gjithçka që di është se sportistët që luftojnë në MMA zakonisht shtojnë bojë për të marrë një shtresë mbrojtëse ose diçka tjetër”.
Sipas një burimi të gazetës gjermane Bild, sportistët lyejnë thonjtë e tyre ose i mbulojnë me një shtresë mbrojtëse nga bakteret.
Ata thanë: “Shumë sportistë e bëjnë këtë për të mbrojtur thonjtë e tyre nga bakteret kur kanë të mbathur atletet e djersitura për orë të tëra”.
Ronaldo nuk është i vetmi sportist i nivelit të lartë që lyen thonjtë e këmbëve pasi ish-kampioni i peshave të rënda të UFC-së, Andrei Arlovski do të bënte të njëjtën gjë gjatë luftërave.
Thuhet se i ndihmon luftëtarët të parandalojnë plasaritjen e thonjve të këmbëve. Një shtresë manikyr ngurtëson thoin e këmbës, gjë që minimizon rrezikun e dëmtimit të thonjve në një përballje.
