Një institucion tjetër pritet të mbetet me ushtrues detyre.
Kjo pasi kryeprokurori i Prokurorisë Themelore në Prizren, Admir Shala ka dhënë dorëheqje.
“Paraqes dorëheqje nga mandati i kryeprokurorit te Prokurorisë Themelore në Prizren, për arsye personale dhe shëndetësore. Megjithatë, pavarësisht se nuk ka qenë e lehtë për mua që pas 7 viteve e 7 muajve si Kryeprokuror i Prokurorisë Themelore ne Prizren, me gjithë kontributin tim profesional në sistemin prokurorial, pesë muaj para përfundimit të mandatit të rregullt të paraqes dorëheqje”, thuhet në letrën e tij.
Për këtë vendim, Admir Shala gjatë ditës nuk ka qenë i qasshëm.
Një ushtrues detyre për kryeprokuror, pritet të caktohet posa Këshilli Prokurorial ta miratojë dorëheqjen e Shalës.
“Kur të miratohet kjo dorëheqje nga ana e Këshillit Prokurorial, kjo pozitë do të mbetet me një ushtrues detyre. Duke marrë parasysh rrethanat ku ne kemi mungesë të prokurorëve, konsideroj se një dorëheqje e tillë, e parakohshme, para skadimit të mandatit ka konsekuenca edhe për prokurorinë edhe për kryeprokurorin e Prokurorisë Themelore”, ka thënë Avokati Kadri Osaj.
E pozitat me ushtrues detyre po vlerësohet se do të kenë ndikim në sistem të drejtësisë.
“Shala ka kërkuar që pas dorëheqjes, bazuar në rregulloret në fuqi, të kthehet në pozitën ku ka shërbyer paraprakisht, si prokuror në Prokurorinë Speciale”, vlerëson avokati Smakiqi.
