Dy ditë pasi prokuroria speciale publikoi raportin e institutit zviceran në rastin e astrit deharit, u ngjallen reagime mbi përmbajtjen.
Ministria e drejtësisë në krye me Albulena Haxhiun, përmes një komunikate për media, publikimin e 2 nga 5 konkluzioneve të zviceranëve nga PSRK, e quajti të ngutshëm e të mangët.
“Prokuroria Speciale e Kosovës, sërish me vrap del për të propaganduar njëanshëm rezultatin e këtij raporti, përmes një komunikate, që dëshmon për mangësi të theksuar intelektuale, mungesë totale të njohurive shkencore, gjuhë krejtësisht jo profesionale edhe qëllim dashakeq. Jemi të zhgënjyer me këtë qasje! Kujt i kontribuon një manipulim i tillë, ku publikohen konkludime të pjesshme? Si munden organet e drejtësisë të jenë kaq tendencioze dhe selektive, veçmas një organ siç është prokuroria, e cila nuk guxon t’i shpërfillë asnjë nga hetimet që bëhen për asnjë rast të caktuar”, thuhet në komunikatë.
Kritika për Prokurorinë Speciale, hodhi edhe i pari i Ministrisë së Punëve të Brendshme, Xhelal Sveçla.
Mes tjerash, deklaroi se do të angazhohet me kompetenca të ministrit në sjelljen e drejtësisë për deharin.
“duhet ta kuptojmë pse zgjodhi të mos e jap të vërtetën e plotë. Kush ia kërkoi që me nxitim të flasë pjesshëm për një çështje e cila ka vëmendjen mbase të të gjithë qytetarëve të republikës. Ky rast duhet të hetohet me profesionalizëm dhe pa asnjë ndikim. Drejtësia për të duhet të vijë në vend”, tha Sve@la.
E pas këtyre pretendimeve për manipulim, Prokuroria Speciale u kundërpërgjigj duke e publikuar të plotë raportin që më 1 prill i kishte ardhur nga Zvicra.
“Kushdo që ka ndonjë dyshim mbi këto përfundime, le t’i drejtohet Institutit të Mjekësisë Ligjore të Lozanës për informacione shtesë. Çfarëdo iniciative për të goditur institucionet e pavarura të drejtësisë është jo e drejtë dhe ka për qëllim që të ulë besimin e qytetarëve në institucionin e prokurorit të shtetit”, thuhet në reagimin e Prokurorisë.
Në raport thuhet se në ADN-në e gjetur nuk është konstatuar ndonjë ADN tjetër përpos të Astrit Deharit, derisa nga objektet në qeli nuk ka pasur shenja gishtërinjsh që do të mund të përdoreshin.
Si provë të vetme të ngjarjes është cilësuar trupi i Deharit, i cili thuhet se është përdorur më së paku, por që marrë parasysh kohën e kaluar instituti zviceran nuk e rekomandoi zhvarrimin për riekzaminim.
E këto prova, përfaqësuesi ligjor i familjes Dehari, Tomë Gashi, pretendon se janë dëmtuar.
Dek; tomë gashi – përfaqësuesi i familjes dehari
Astrit Dehari u gjet i vdekur në qelinë e burgut në Prizren më 5 nëntor të vitit 2016, ku po mbahej i paraburgosur nën dyshimin se kishte kryer sulm ndaj ndërtesës së Kuvendit të Kosovës, bashkë me disa aktivistë të tjerë të lëvizjes vetëvendosje.
Raporti i gazetares Florijeta Dernjani.
