Prokuroria Themelore në Prizren ka paraqitur kërkesë në Gjykatën Themelore në Prizren për caktimin e masës së paraburgimit prej 30 ditësh ndaj të dyshuarit F.B., i cili aktualisht ndodhet në ndalim 48-orësh, nën dyshimin e bazuar për kryerjen e veprës penale “Vrasje e rëndë”.
Sipas prokurorisë, rasti ka ndodhur më 20 janar 2026 në fshatin Restelicë të Komunës së Dragashit. Dyshohet se F.B., në shtëpinë familjare ku jetonte së bashku me viktimën, me dashje e ka privuar nga jeta nënën e tij, T.B.
Hetimet paraprake tregojnë se i dyshuari fillimisht e ka goditur viktimën me grushte në pjesë të ndryshme të trupit dhe më pas e ka shtrënguar për fyti me duar, duke i shkaktuar lëndime fatale, si pasojë e të cilave viktima ka ndërruar jetë në vendin e ngjarjes.
Me këto veprime, sipas Prokurorisë, i dyshuari dyshohet se ka kryer veprën penale “Vrasje e rëndë”.
“Në shtëpinë e tij familjare ku jetonte së bashku me viktimën, me dashje privon nga jeta nënën e tij, viktimën T.B., në atë mënyrë që fillimisht e godet me grushte në pjesë të ndryshme të trupit dhe më pas e shtrëngon për fyti me duar, me ç’rast viktima nga lëndimet e marra ndërron jetë në vendin e ngjarjes”. /teve1.info/
Tronditet Dragashi – Djali me probleme mendore privon nga jeta nënën
