Në njoftimin për media theksohet se është duke u zhvilluar urdhër kontroll në objektin e Komunës së strukturave paralele në Shtërpcë, për shkak të dyshimit të veprave penale të keqpërdorimit të detyrës zyrtare dhe marrje e dhënie të ryshfetit.
“Me urdhër të Prokurorisë Themelore në Ferizaj dhe në bashkëpunim me Policinë e Kosovës – Drejtorinë për Krime të Rënda në Prishtinë, është duke vazhduar aksioni “Brezovica ” përkatësisht, urdhër kontrolli në objektin e Komunës së strukturave paralele në Shtërpcë, për shkak të dyshimit të veprave penale të keqpërdorimit të detyrës zyrtare, marrje dhe dhënie të ryshfetit”, thuhet në njoftim.
Forcat policore kanë bastisur 7 lokacione në komunën e Shtërpcës.
Lajmin për teve1.info e ka konfirmuar prokurori i çështjes, Rasim Maloku.
“Është duke u zbatu një urdhërkontrollë në 7 lokacione është në zbatim e sipër”, ka thënë Maloku.
Ndryshe, në aksionin e parë të njohur si “Brezovica”, në muajin dhjetor të vitit të kaluar, ishin arrestuar 10 persona, në mesin e tyre edhe ish-kryetari i Komunës së Shtërpcës, Bratisllav Nikoliq. /teve1.info/
