Prokuroria Themelore në Mitrovicë ka bërë të ditur se tre persona janë arrestuar nën dyshimin për përfshirje në veprimtari të paligjshme të narkotikëve, pasi gjatë kontrollit të një automjeti është zbuluar një sasi e konsiderueshme droge.
Sipas njoftimit të Prokurorisë, aksioni është zhvilluar në mëngjesin e 1 qershorit 2026, ku gjatë kontrollit në një veturë janë gjetur dhe sekuestruar rreth 26 kilogramë substancë e dyshuar narkotike e llojit marihuanë.
Personat e arrestuar janë ndaluar me vendim të prokurorit për 48 orë, nën dyshimin për kryerjen e veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.
Autoritetet kanë bërë të ditur se substanca narkotike është konfiskuar dhe do të përdoret si provë materiale në procedurën hetimore.
Aksion kundër narkotikëve, policia konfiskon mbi 25 kilogramë marihuanë dhe arreston tre persona
