Ministrja e Drejstësisë, Albulena Haxhiu ka njoftuar se të enjten në Qeveri është proceduar projekt-rregullorja për Mekanizmin Koordinues Lokal për Mbrojtje nga Dhuna në Familje, Dhuna ndaj Grave dhe Dhuna në Baza Gjinore.
Sipas Haxhiut Mekanizmi Koordinues Lokal do të ofroj përgjigje të shpejtë dhe efektive ndaj këtyre rasteve si dhe do të forcojë bashkëpunimin ndërmjet autoriteteve për sigurimin e mbrojtjes, ofrimin e mbështetjes dhe ndihmën për riintegrimin e viktimave në shoqëri.
“Mekanizmi Koordinues Lokal do të ofroj përgjigje të shpejtë dhe efektive ndaj rasteve të dhunës në familje, dhunës ndaj grave dhe dhunës në baza gjinore, si dhe do të forcojë bashkëpunimin ndërmjet autoriteteve lokale, shëndetësore, organeve të rendit, organizatave të shoqërisë civile dhe aktorëve të tjerë relevant për sigurimin e mbrojtjes, ofrimin e mbështetjes dhe ndihmën për riintegrimin e viktimave në shoqëri”, ka shkruar ajo në Facebook./teve1.info/
