Kombëtarja e Kosovës ka zhvilluar sot stërvitjen e dytë në kuadër të përgatitjeve për dy ndeshjet miqësore kundër Çekisë dhe Andorrës.
Federata e Futbollit të Kosovës (FFK), njoftoi se stërvitja ishte me ritëm të lartë dhe u punua në aspektin taktik.
“Seanca stërvitore u karakterizua me ritëm të lartë dhe përkushtim të madh nga futbollistët, derisa përzgjedhësi Franco Foda punoi kryesisht në aspektin taktik dhe organizimin e lojës”, ka shkruar FFK.
Ndërkohë, Andi Hoti është bërë e ditur se ka ndërprerë stërvitjen para kohe për shkak të lëndimit.
“Për shkak të një lëndimi në nyje, Andi Hoti e ndërpreu stërvitjen para kohe. Futbollisti do t’u nënshtrohet ekzaminimeve nga stafi mjekësor i Kombëtares për të përcaktuar shkallën e lëndimit”, ka mbyllur FFK njoftimin.
Kosova, këtë të diel e luan miqësoren e parë ndaj Çekisë në Pragë, ndërsa të dielën e ardhshme përballet me Andorrën në Prishtinë.
