Një incident ka ndodhur mesditën e sotme në shkollën “Mustafa Bakija” në Prizren, ku një qytetar i moshuar, ka grisur fletëvotimin pasi KQZ nuk e ka lejuar ta ndihmojë bashkëshorten e tij gjatë procesit të votimit dhe më pas e ka shqyer fletëvotimin.
Lajmin për tëvë1.info e ka konfirmuar zëdhënësi i policisë për rajonin e Prizrenit, Shaqir Bytyqi i cili tha se Policia e Kosovës ka ndërhyrë dhe e ka shoqëruar qytetarin në stacionin policor ku është duke u intervistuar.
“Sot rreth orës 12:00, në qendrën e votimit në shkollën “Mustafa Bakija” në Prizren, një qytetar i moshuar, në shenjë revolte pasi komisioni zgjedhor nuk e ka lejuar ta ndihmojë bashkëshorten e tij gjatë procesit të votimit, e ka shqyer fletëvotimin. Lidhur me rastin, Policia e Kosovës ka ndërhyrë dhe e ka shoqëruar qytetarin në stacion policor, ku është duke u intervistuar dhe, në konsultim me prokurorin e shtetit, do të ndërmerren veprimet e nevojshme ligjore”, ka deklaruar Bytyqi./teve1.info/
