Mëngjesin e së hënës, mërgimtarët kishin marrë rrugën për tu kthyer nga Kosova në shtetet që banojnë.
Por, ata vazhdojnë të përballen me pritje të gjata në pikëkalimin kufitar me Serbinë, në Merdarë.
Megjithatë, këto pritje nuk ia zbehin dëshirën, Bledar Rakaçit që ti kaloj pushimet në vendlindje.
Përafërsisht dy orë, është shumë e vështirë sepse kjo pritje nuk na e ulë dëshirën me u rikthy në vendlindje, do të rikthehemi edhe më shpesh se tash, zgjidhja bashkëpunimi mes qeverive ne një të ardhme të afërt me gjetë një zgjidhje”, shprehet ai.
Se pritjet janë të gjata çdo vit gjatë sezonës verore e thonë edhe mërgimtarët e tjerë.
Këta thonë që kanë pritur rreth katër orë në kufi.
“Afër 2h e diçka, pritja është e vështirë, sa po kënaqemi , veç kur po kthehemi katastrofë si gjithmonë, nuk është hera e parë, zgjidhja ishalla Albin Kurti bon diçka, na e hek këtë krizë shpresojmë”, thotë mërgimtari Vehi Fetahi.
Qe 4h jemi duke pritë, e shtirë është po çka ke me bo tash, normal qysh presin krejt edhe na, na e kemi ditë qe kjo na pret, zgjidhja me punu ma shumë me qel udhë te kufini, kufini eshte ka i bon krejt qito, nashta edhe ata s’kanë faj, se janë shumë, po mashum me punu”, shprehet Sabrie Krasniqi.
“ Jem tu prit qe nja tri orë, e vështirë boll, nxet çka me bo, zgjidhja një teknikë e avancuar me ecë ma shpejtë me ecë, mos me prit, njëjtë gjithmonë”, thotë Patriot Vuthaj.
Ndërkohë sipas Qendrës Kombëtare për Menaxhim Kufitar të Ministrisë së Punëve të Brendshme, kolona ka pasur edhe tek Dheu i Bardhë.
Kronika e realizuar nga Riga Gjata
