Një këmbësore është goditur nga një automjet, me ç’rast ka pësuar lëndime trupore, mbrëmjen e sotme në rrugën “Bill Klinton” në Prishtinë.
Këmbësorja është dërguar për tretman mjekësor, derisa ngasësi i automjetit ka ikur nga vendi i ngjarjes.
Lidhur me këtë rast, zëdhënësja e Policisë së Kosovës për rajonin e Prishtinës, Flora Ahmeti, për teve1.info thotë se zyrtarët nga njësiti i trafikut janë duke punuar në drejtim të identifikimit të vozitësit.
“Rreth orës 19:00 kemi pranuar informatën se në rrugën “Bill Klinton” në Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një këmbësore dhe një automjet. Si pasojë e aksidentit lëndime trupore ka pësuar këmbësorja e cila është dërguar për tretman mjekësor, ndërkohë që ngasësi i i automjetit është larguar nga vendi i ngjarjes. Zyrtarët nga njësiti i trafikut janë duke punuar në drejtim të identifikimit të vozitësit të veturës dhe hetimit e rastit”, tha ajo./teve1.info/
