Fushë Kosova dhe Prishtina do të përballen në ndeshjen e fundit të xhiros së tetë në Superligë.
Dy skuadrat po kërkojnë të rikthehen te rezultatet pozitive. Fushë Kosova nuk di për fitore në gjashtë ndeshjet e para të zhvilluara në Superligë, ku ka marrë vetëm një barazim dhe ka pësuar pesë disfata.
Derisa Prishtina pas një starti të mirë në katër duelet e fundit ka marrë vetëm tre pikë, duke barazuar në tre duele dhe duke pësuar një disfatë.
Vendasit ashtu edhe mysafirët kërkojnë vetëm tre pikët nga kjo përballje e cila zhvillohet në stadiumin ‘Sami Kelmendi’ në Lipjan me fillim nga ora 15:00.
