Skuadra e Prishtinës është në disavantazh prej dy golave në duelin kundër Malishevës.
Në ndeshjen që po luhet në stadiumin “Liman Gegaj” dhe i takon xhiros së 23-të në Superligën e Kosovës në futboll, Malisheva po avancon me rezultatin 2:0 përballë Prishtinës.
Të dy golat, Malisheva i shënoi nga penalltia por realizatorët ishin të ndryshëm për ekipin e trajnerit Elon Berisha.
Etnik Brruti dhe Laurent Xhylani, janë treguar të saktë nga pika e bardhë dhe pas 45 minutave të para, Malisheva është në avantazh prej dy golave ndaj Prishtinës.
