Sigal Prishtina ka bërë një ndryshim në përbërjen e saj për ndeshjen kundër Trepçës në kuadër të gjysmëfinaleve të play-offit në Superligën e Kosovës në basketboll.
Sot, prej orës 19:00 në Mitrovicë, luhet ndeshja e tretë e serisë gjysmëfinale. Trepça është në avantazh 2:0 dhe i nevojitet edhe një fitore për të siguruar plasmanin në finale. Ndërsa, Prishtina synon ta mposht Trepçës për ta ngushtuar serinë në 2:1 dhe për të nxjerr ndeshjen e katërt që luhet në kryeqytet.
Ndryshimi në përbërjen e Prishtinës është tek lojtarët e huaj, ku në vend të amerikanit Shaheed Davis është future kroati Henrik Shirko. Shirko nuk ka qenë i përfshirë në dy humbjet e para të Prishtinës ndaj Trepçës në këtë seri.
Në fakt, Prishtina nuk di për fitore kundër Trepçës në dhjetë ndeshjet e fundit në të gjitha garat.
