Prishtina i është kthyer fitoreve në Superligë. Ekipi kryeqytetas në kryendeshjen e xhiros së 22 mposhti Llapin në “Zahir Pajaziti’ me rezultat 2:0.
Golat e fitores për skuadrën bardhekaltër erdhën në pjesën e parë, derisa realizatorë ishin Albin Prapshtica 41′ dhe Endrit Krasniqi 45+3′. Me këtë fitore, Prishtia numëron 30 pikë në vendin e katër, ndërsa Llapi zë vendin e pestë me 29 pikë.
Dukagjini në Suharekë ka bërë befasinë, derisa e ndali Ballkanin në një barazim 1:1. Oto John 18′ i dha avantazhin skuadrës klinase nga penalltia, ndërsa Albion Rrahmani 55′ baraspeshoi shifrat. Ky gol për Rrahmanin ishte i 14 këtë sezon, por që i pamjaftushëm për të marrë tre pikë.
Ballkani me këtë barazim ndodhet në vendin e parë me 48 pikë, kurse Dukagjini zë vendin e gjashtë me 26 pikë.
Gjilani ka marrë fitoren e dytë radhazi, derisa në shtëpi mposhti Trepçën ’89 me rezultat 1:0. Albert Dabiqaj në minutën e 70′ ishte realizatori i fitore për kuqebardhët.
Gjilani ngritet në kuotën e 35 pikëve, ndërkaq 89-shi ndodhet në vendin e 8-të me 22 pikë.
