Skuadra e Prishtinës, do të vazhdojë ti zhvillojë ndeshjet si vendase në Kampin Nacional të FFK-së, në Hajvali.
Për Prishtinën, kjo do të jetë ndeshja e dytë që e luan në Hajvali pas asaj që e zhvilloi në fillim të muajit të shkuar ndaj Vuhtrrisë.
Prishtina ishte zhvendosur nga stadiumi “Fadil Vokrri” në fillim të muajit shtator për shkak të riparimit të fushës, që do të bëheshin për përgatitjet e ndeshjeve të Kombëtares së Kosovës.
Megjithatë, edhe pas më shumë se një muaji, Prishtina ndeshjen e radhës e luan në Hajvali.
Në kuadër të xhiros së tetë të Superligës së Kosovës në futboll, Prishtina do të përballet me Dukagjinin.
Kjo ndeshje do të zhvillohet të dielën nga ora 18:00 dhe pikërisht më këtë përballje do të mbyllet xhiroja e tetë e elitës së futbollit kosovar.
