Skuadra e Prishitinës gjatë ditës së sotme ka prezantuar dy përforcime për edicionin 2022/23.
Bardhekaltërit së pari kanë bërë të ditur transferimin e mesfushorit ofensiv, Endrit Bahollin. Baholli 22-vjeçar është me ekipin nga kryeqendra e Kosovës ka firmosur kontratë trevjeçare.
Ai te Prishtina ka kaluar nga 2 Korriku që bën gara në Ligën e Parë të Kosovës.
“FC Prishtina ka kënaqësinë që ta njoftojë opinionin se ka nënshkruar kontratë tre-vjeçare me futbollistin e talentuar Endrit Baholli. 22-vjeçari vjen si lojtar me shumë potencial nga skuadra tjetër e kryeqytetit, 2 Korriku. Baholli luan si mesfushor ofanziv dhe gjatë gjithë karrierës së tij është aktivizuar për 2 Korrikun duke treguar potencial dhe formë të lartë dhe me ç ‘rast ka qenë pjesë edhe e grupmoshave të reja të Përfaqësueses së Kosovës”, thuhet në njoftimin e Prishtinës.
Ndërsa, Baholli ka thënë se është i nderuar që do ta bartë fanellën e Prishtinës.
Kurse në të njëjtën ditë nga skuadra kryeqytetase është prezantuar edhe Mërgim Pefqeli. Mesfushori me klubi kryeqytetas ka firmosur kontratë dyvjeçare.
28-vjeçari sezonin e fundit ishte pjesë e Malishevës, ndërsa ka thënë se është i lumtur që po kthehet te Prishtina. Ai edhe më herët ka luajtur për Prishtinën, duke shënuar 12 gola në 75 paraqitje.
Po ashtu, Pefqeli ka bërë karrierë edhe te Llapi, Trepça ’89, Trepça, Hajvalia e Fushë Kosova. /Tëvë1/
