Komuna e Mitrovicës ka njoftuar se sot në shënim të Ditës Ndërkombëtare për Ndërgjegjësim ndaj Autizmit, do të ndajë nga 50 euro për fëmijët me autizëm.
Lajmin e ka bërë të ditur Faton Peci, i cili theksoi se ky vendim përfaqëson një shenjë të vullnetit të mirë dhe përkujdesit institucional ndaj kësaj kategorie.
Sipas tij, ky hap është gjithashtu një zotim për mbështetje të vazhdueshme edhe në forma të tjera, me synim përmirësimin e kushteve dhe shërbimeve për fëmijët me autizëm.
“Ky vendim më shumë është demonstrim i vullnetit të mirë dhe përkujdesit institucional, si dhe zotim për mbështetje edhe në forma të tjera. Angazhimet tona do të jenë gjithëpërfshirëse për të avancuar pozitën dhe ngritur kualitetin e shërbimeve ndaj kësaj kategorie”, ka shkruar ai në Facebook. /teve1.info/
