Pasi ndeshjeve të Kombëtares së Shqipërisë me Poloninë dhe Ukrainën, mbrojtësi Berat Gjimshiti rikthehet tek Atalanta këtë vikend në fushë.
Sipas mediumeve italiane, Gjimshiti do të jetë i gatshëm për ndeshjen kundër Lecces që Atalanta e luan në udhëtim, të hënën në kuadër të xhiros së 27-të në Serie A.
E pikërisht kjo ndeshje do të jetë e veçantë për Gjimshitin, i cili do të vendos një rekord tjetër të shkëlqyer me klubin italian.
Ndaj Lecces, Gjimshiti do ta bëjë paraqitjen e tij të 327-të me fanellën e klubit nga Bergamo, duke u bërë lojtari i katërt me më së shumti ndeshje tek Atalanta.
Këtë sezonn, Gjimshiti ka regjistruar 39 paraqitje deri më tani në të gjitha garat, ndërsa ka shënuar 1 gol në kuadër të Kupës së Italisë.
33-vjeçari së shpejti pritet ta rinovojë kontratën me Atalantan, e cila i skadon në fund të sezonit aktual.
