Presidentja e Sllovenisë, Natasha Pirc Musar në fjalën e saj në Forumin për Gratë Paqen dhe Sigurinë ka thënë se duhet luftuar për paqe dhe siguri në çdo nivel.
Pirc Musar ka përmendur gratë në Ukrainë për të cilat ka thënë se agresioni rus i ka vendosur në vijat e para të frontit.
Po ashtu, ajo është shprehur se duhet kujtuar edhe gratë e Gazës, ku mijëra prej tyre kanë vdekur dhe mijëra të tjera po vdesin urie.
“Duhet të luftojmë për paqe dhe siguri në çdo nivel dhe kjo konferencë nuk mund të ishte në një kohë më të duhur kur në përgjithësi gjendja nuk është e mirë. Ne duhet të mendojmë edhe për gratë e Ukrainës, të cilat agresioni rus në këto momente kur ne po flasim i ka vendosur në vijat e para të frontit. Le t’i kujtojmë gratë në Gaza, mijëra prej tyre kanë vdekur dhe mijëra të tjera po vdesin urie”, ka thënë ajo.
Presidentja sllovene foli edhe për dhunën seksuale gjatë luftërave, ku theksoi se pandëshkueshmëria bëhet shkas që të kjo dhunë të përsëritet.
“Është e papranueshme që dhuna seksuale të përdoret si armë lufte, dhe ky krim duhet ndëshkuar, sepse nëse dhuna mbetët e pandëshkuar, ajo bëhet shkas që dhuna seksuale në konflikte të përsëritet” shtoi ajo. /teve1.info/
