Edhe pse më herët u raportua për interesim nga Sassuolo, portieri i Ipswich Townit, Arijanet Muriq, pritet të bëjë hap prapa në karrierë. Muriq është afër transferimit te skuadra turke, Rizespor.
Kështu ka shkruar të shtunën “Takagazete”. Mësohet se Rizespori ka arritur marrëveshje me Ipswichin për t’i siguruar shërbimet e portierit të parë të Kosovës.
Muriq me Ipswichin edicionin e kaluar u paraqit në Premier League. Në elitën angleze zhvilloi 18 ndeshje. Në Premier League, Muriq, ka luajtur edhe me skuadrën tjetër angleze, Burnley.
26-vjeçari pikërisht nga Burnley në vitin 2022 u transferua tek Ipswichi për nëntë milionë euro.
Te Rizespori së fundi u transferua edhe mesfushori i Kombëtares së Shqipërisë, Qazim Laçi. Luan edhe sulmuesi Altin Zeqiri.
Klubi nga Turqia dëshiron të forcojë skuadrën për edicionin e ardhshëm në mënyrë që të sigurojë pjesëmarrjen në kupat evropiane.
Portieri me përvojë në Turqi ka luajtur edhe në edicionin 2021/22 me skuadrën e Adana Demirsporit. Karrierë ka bërë edhe te Manchester City e Girona.
