Kandidatja për kryetare të Komunës së Leposaviqit, Albulena Behluli – Hetemi nga Partia Demokratike e Kosovës, u bëri thirrje qytetarëve të dalin masivisht për votime në katër komunat veriore.
Pasi Behluli-Hetemi ka votuar në shkollën “Kadri Bistrica” në Leposaviq, në një prononcim të shkurtër për medie tha se pret të mos ketë asnjë incident gjatë këtij procesi zgjedhor atje.
“Unë sapo votova, e kreva obligimin tim si qytetar. I ftoj të gjithë qytetarët të dalin masivisht në këto zgjedhje. Unë nga këto zgjedhje pres që çdo gjë të jetë në rregull dhe të mos ketë incidente”, deklaroi Behluli-Hetemi.
Ndërkaq, e pyetur se a ndihet e rrezikuar në qoftë se fiton zgjedhjet, Behluli-Hetemi tha se nuk dihet e rrezikuar aspak, raporton teve1.info.
Siç bënë të ditur ekipi i Tëvë1, i cili po qëndron atje, pjesa ma e madhe e votuesve në këtë qendër votimi tradicionalisht votojnë pasdite./teve1.info/.
