Në media po raportohet se për vrasjen e 31-vjeçarit po dyshohet të jetë, pronari i lokalit të “Kobra City”, Dibran Hoxhaj.
Në lidhje me këtë, zëdhënësi i Policisë për rajonin e Prizrenit, Shaqir Bytyqi ka thënë për Teve1.info, se nga PK-ja po intervistohet pronari i këtij lokali.
Sipas tij, për rastin janë duke u intervistuar edhe persona të tjerë.
“Janë duke u intervistuar 4-5 persona, në mesin e tyre edhe pronari i lokalit”, ka deklaruar Bytyqi.
“Në Morinë, rreth orës 04:25, të mëngjesit, kanë hyrë për në drejtim të spitalit rajonal të Kukësit, shtetasit V. C., 31 vjec, dhe R. Sh., 27 vjeç, që transportoheshin me automjet nga shtetasi A . B., të tre nga Kukësi, ku shtetasit V. C., dhe R. SH , ishin të plagosur me armë zjarri në Prizren të Kosovës. Si pasojë e plagëve të marra shtetasi V. C., ka ndërruar jetë gjatë rrugës, ndërsa shtetasi R. Sh., ndodhet në spital nën kujdesin e mjekëve”.
“Në momentin që shtetasit V.C., R.Sh dhe A.B, po largoheshin me automjet, dyshohet se shtetasi D. H, ka qëlluar me armë zjarri në drejtim të automjetit të tyre. Në lidhje me ngjarjen është komunikuar me Policinë kosovare dhe vijon shkëmbimi i informacionit”, thuhej në komunikatën e Policisë së Shqipërsië. /Teve1.info/
