Policia e Kosovës në Mamushë ka realizuar urdhër-arrestin ndaj një 38-vjeçari nga kjo komunë, i dënuar për falsifikim të dokumenteve dhe hyrje të paautorizuar në rrjetet kompjuterike.
Sipas njoftimit, Gjykata Themelore në Prizren kishte lëshuar urdhër-arrest për personin me inicialet M.J., i cili me vendim të formës së prerë ishte dënuar me 22 muaj burgim efektiv.
I njëjti ishte shpallur fajtor për veprat penale “Falsifikim i dokumentit zyrtar” dhe “Hyrje e paautorizuar në rrjetet kompjuterike”.
Pas një pune operative në terren, patrulla policore arriti ta lokalizojë dhe arrestojë të dënuarin, i cili më pas u dërgua në Qendrën e Paraburgimit në Prishtinë, në përputhje me vendimin gjyqësor./teve1.info/
