Sipas njoftimit të Policisë, të pranishëm në këtë takim ishin edhe përfaqësues të Prokurorisë Themelore dhe Gjykatës Themelore në Ferizaj, shkruan teve1.info.
Drejtori Rajonal i policisë, Nënkoloneli Basri Shabani para të pranishmëve ka prezantuar raportin e ligjëratave të mbajtura në të gjitha shkollat e komunës së Ferizajt, me tema të ndryshme në vetëdijesimin e nxënësve në parandalim të dukurive negative duke shpalosur edhe trendin e rasteve kriminale që nga viti 2017 deri në vitin 2021 dhe aksionet e policisë nëpër shkolla.
Drejtori Rajonal i Policisë i ka siguruar të pranishmit se policia do të vazhdojë me ligjërata në shkolla dhe do të shtojë aktivitetet e policisë, veç policëve me uniformë do të angazhojë edhe pjesëtarë të policisë me rroba civile në parandalim të dukurive negative rreth dhe nëpër shkolla.
