Policia e Kosovës, kërkon ndihmën e qytetarëve për identifikimin dhe lokalizimin e vendodhjes së tre personave të dyshuar për veprën penale “kultivimi i bimës së hashashit, shkurres së kokainës ose bimëve të kanabisit”.
Sipas njoftimit, në tre lokacione të ndryshme, në fshatin Panorc të Malishevës, në një zonë të thellë në vendin e quajtur “Lugajat” janë gjetur të kultivuara bimë të dyshuara për kanabis sativa me gjatësi 20-50cm.
“Lidhur me veprën e lartcekur penale me kërkesë nga rajoni kompetent, për tre (3) persona të dyshuar të përfshirë në rast, policia ka marr autorizim nga Prokuroria për publikimin e fotografive të (NN) personave, për identifikimin e tyre në mënyrë që të mundësohet sjellja e tyre para organeve të drejtësisë. Kërkojmë ndihmën e qytetarëve që për çdo informacion lidhur me identitetin apo vendndodhjen e personave fotografitë e të cilëve janë publikuar të njoftojnë Policinë e Kosovës në numrin 192 ( apo 045285169). Çdo informacion i ofruar do të trajtohet me konfidencialitet të plotë”, thuhet në njoftim./teve1.info/
