Policia e Kosovës ka njoftuar se ka nisur hetimet lidhur me vdekjen e një punëtori, që vdiq mbrëmë në vendin e tij të punës në Prishtinë.
Sipas raportit 24-orësh, punëtori ka marrë lëndime të rënda, të cilat i kanë shkaktuar vdekjen në vendngjarje.
Kolegu i tij, i cili ndodhej pranë viktimës në momentin e incidentit, ka humbur ndjenjat dhe është dërguar menjëherë në QKUK për trajtim mjekësor.
“Prishtinë 21.11.2025 – 17:00. Raportohet se në vendin e tij të punës viktima mashkull kosovar, kishte pësuar lëndime trupore dhe si pasojë ka vdekur, ndërsa kolegu i tij nga ngjarja që kishte pasur kishte humbur ndjenjat dhe është dërguar në QKUK për tretman mjekësor. Trupin e pa jetë nga vendin i ngjarjes e ka tërhequr IML. Rasti është duke u hetuar”, tha policia.
Ngjarja po hetohet si “asgjësim, dëmtim ose heqje e pajisjeve mbrojtëse, rrezikim i sigurisë në vendin e punës”.
