Sipas njoftimit të PK-së, gjatë kontrollit të kamionit, janë gjetur 56 krerë dele, teksa shoferi nuk posedonte asnjë dokument për origjinën ose prejardhjen e kafshëve.
Në njoftimin e Policisë thuhet se në këtë rast janë gjuajtur mjete piroteknike në drejtim të tyre, por nuk ka pasur të lënduar.
“Kamioni drejtohej nga një mashkull kosovar, gjatë kontrollit të kamionit, janë gjetur 56 (pesëdhjetë e gjashtë) krerë dele. Drejtuesi i kamionit nuk posedonte asnjë dokument për origjinën ose prejardhjen e kafshëve. Gjatë procedurave të kontrollit të kamionit, kanë ardhur disa automjete të dyshuara nga të cilat janë hedhur mjete piroteknike në afërsi të njësisë policore. Nga këto mjete nuk ka pasur persona të lënduar. Kurse, kamioni është shoqëruar në terminalin doganor në Mitrovicë Jugu për procedura të mëtejme”, thuhet në njoftim.
Për rastin janë njoftuar njësitet policore nga rajoni i Mitrovicës Veri të cilët do të procedojnë me shikimin e vendngjarjes. /teve1.info/
