Policia e Kosovës e ka shtuar numrin e pjesëtarëve policor në Mitrovicën e veriut, para betimit të kryetarit të zgjedhur në këtë komunë, Erden Atiq, raporton teve1.info
Shefi i Operativës Rajonale në Mitrovicën e veriut, Shkelzen Xhafa, tha se masat janë ndërmarrë si në çdo vend tjetër.
“Policia e Kosovës në bazë të autorizimeve të tyre i ka marrë të gjitha masat në aspektin e sigurisë. Ne si Polici kemi vendosur zyrtar policor të rregullt që më shumë do të merren me çështjet e trafikut se nuk presim që të ketë ndonjë tension në këtë inaugurim”, tha Xhafa.
Ai tha se ka edhe zyrtarë civil brenda dhe rreth objektit, por shtoi se nuk ka ngritje të masave të sigurisë.
“Fillimisht kontrollohet pjesa brenda. Kem zyrtar civil brenda e rreth objektit. Nuk ka ngritje të masave. Të gjitha masat janë ndërmarrë sikur në çdo vend tjetër. Nuk ka asnjë pengesë, policia i merr masat në çdo territor. Ne do ta mbështesim komunën në aspektin e komunikacionit ose nëse ka nevojë për diçka tjetër. Nuk kem asnjë informatë apo indikacion që mund të prishet ky organizim”, deklaroi Xhafa.
Betimi i kryetarit të Mitrovicës së veriut, Erden Atiq, pritet të bëhet pas fitores së zgjedhjeve lokale të 23 prillit 2023.
Raporti nga Fetije Kamberi
