Policia e Kosovës është duke asistuar zyrtarët e ndërmarrjes publike “Ibër Lepenc” të cilët kanë hyrë sot në objektin e Kryqit të Kuq në afërsi të liqenit të Ujmanit në Zubin Potok.
Lajmin për Tëvë1 e ka konfirmuar zëvendësdrejtori i Policisë për rajonin e Mitrovicës së Veriut, Veton Elshani.
Ky objekt, i cili deri më tani ka qenë i uzurpuar nga strukturat paralele serbe, tashmë i është kthyer në pronësi ligjore “Iber Lepencit”.
Objektin më herët e kishte vizituar edhe presidenti i Serbisë, Aleksander Vuçiq.
