Policia e Kosovës, ka njoftuar se të enjten ka arrestuar dy shtetas të Kolumbisë, të dyshuar për mashtrim.
Sipas njoftimit, personat e dyshuar janë një 47-vjeçar dhe një 28-vjeçare të cilët me vendim të Prokurorit janë dërguar në mbajtje për 48 orë.
“Drejtoria Rajonale e Policisë në Prishtinë, respektivisht, hetuesit e stacionit policor Jugu, sot kanë arrestuar dy persona të dyshuar për disa raste të mashtrimit, si dhe kanë sekuestruar një sasi të parave, (dyshohet të përfituara duke kryer vepra mashtrimi).Personat e dyshuar një 47 vjeçar dhe një femër 28-vjeç shtetas të Kolumbisë, me vendim të prokurorit janë dërguar në qendrën e mbajtjes për 48 orë,” thuhet në njoftimin e Policisë.
Gjithashtu është bërë e ditur se janë sekuestruar edhe një sasi e parave që dyshohet se janë përfituar gjatë kryerjes së veprave të mashtrimit.
“Personat e arrestuar dyshohet të kenë marrë nga ankuesit (punëtor të këmbimoreve) shuma të ndryshme parash duke i mashtruar (gjatë ri-numërimit kanë fshehur një shumë parash derisa kanë qenë duke i konventuar)”, thuhet tutje.
Policia ka ngritur dyshimin se mashtrimet mund të kenë ndodhur në vazhdimësi edhe jashtë rajonit të Prishtinës dhe se numri i personave të mashtruar mund të jetë më i madh se sa numri i raportuar./teve1.info/
