Policia e Kosovës ka njoftuar se ka arrestuar 11 persona lidhur me rastin e shpërthimit në veturën e drejtorit të QKUK-së më 30 prill.
Aksioni sipas Policisë së Kosovës është realizuar të martën në zbatim të urdhrit të lëshuar nga Gjykata Themelore në Prishtinë, ku janë kryer bastisje në tri lokacione – dy në Prishtinë dhe një në fshatin Rimanishtë.
Gjatë kontrollit janë sekuestruar, telefona të ndryshëm, radiolidhje si dhe fishekë të armës së shkurtër të kalibrit 9×19 mm dhe substanca narkotike.
“Gjatë verifikimit të të dyshuarit F.D., është konstatuar se ndaj tij ekziston një urdhër arrest aktiv për çështje të narkotikëve, dhe me vendim të prokurorit, ai është dërguar për vuajtje të dënimit. Ndërkaq, pas intervistimit të personave të ndaluar dhe në konsultim me prokurorin kompetent, nëntë (9) persona janë ndaluar për 48 orë, ndërsa ndaj të tjerëve procedurat janë ndarë në raste të veçanta dhe janë njoftuar njësitë përkatëse për trajtimin e mëtejshëm të tyre”, thuhet në komunikatë.
